Fiskeri- og kystdepartementet har fastsett regulering av sjøtungefisket i Nordsjøen for 2006. Den norske kvoten neste år er på 200 tonn.

Det er berre fartøy som fiskar med konvensjonelle reiskap som kan fiske direkte etter sjøtunge i 2006. Erfaringane frå fisket i 2005 gjer at det ikkje er naudsynt å fastsette maksimalkvoter for desse fartøya i 2006.

Trålfartøy har ikkje løyve til eit direkte fiske, men kan fiske sjøtunge som bifangst.