Fievrridanfieskkit
Historisk arkiv
Publisert under: Regjeringen Stoltenberg II
Utgiver: Fiskeri- og kystdepartementet
Pressemelding | Dato: 01.12.2006 | Sist oppdatert: 04.12.2006
Buorre infrastruktuvra lea eaktun gávppašeapmái ja ealáhusdoaibmamii. Danne lea ráđđehusa doaibmamušain guovdilis áššin oččodit áigái oadjebas ja buriid fievrridanfiskkiid davveguovlluid miehtá. Ráđđehus áigu doarjut álgaga vuođđudit davvilaš fievrridanfieskki Kiinná ja Davve-Amerihká gaskka (N.E.W. korridovrra), man olis lea gálvosirdin Narviikkas.
Pressemelding
Nr.: 103/2006
Dato: 01.12.06
Kirsten Ullbæk Selvig tlf. 91 54 42 35, Esben Schlytter tlf. 45 26 86 24
Fievrridanfieskkit
Buorre infrastruktuvra lea eaktun gávppašeapmái ja ealáhusdoaibmamii. Danne lea ráđđehusa doaibmamušain guovdilis áššin oččodit áigái oadjebas ja buriid fievrridanfiskkiid davveguovlluid miehtá. Ráđđehus áigu doarjut álgaga vuođđudit davvilaš fievrridanfieskki Kiinná ja Davve-Amerihká gaskka (N.E.W. korridovrra), man olis lea gálvosirdin Narviikkas.
Deaŧalaš lea sihkkarastit Davvi-Norgii njuolgabeassama riikkaidgaskasš gávpemárkaniidda, ja dainna lágiin rahpat davvin ođđa vejolašvuođaid ovddidit industriija ja ealáhusaid. Danne lea ulbmil oččodit áigái buriid fievrridančovdosiid riikkarájiid rastá.
Prošeakta sáhttá šaddat deaŧalaš Davvi-Norgii ja olles Barents-guvlui. Dán guovllu industriijalaš doaimma ja ealáhusaid ovddideami váldohástalusaide gullet golut mat čuožžilit go gálvvut dolvojuvvojit gávpemárkaniidda dahje vižžojuvvojit doppe.
N.E.W. korridovra sáhttá sihke šaddat beassanluoddan hálbbes ja buriid fievrridanbálvalusaide, ja nu ovddidit doaimmaid njulgestaga logistihkkadoaibmama vuođul.