Fiskeri- og kystdepartementet har mottatt rapporten frå Kystdirektoratet som vurderer den nasjonale slepebåtberedskapen, mellom anna på bakgrunn av røynslene etter ”Fjord Champion”-havariet utanfor sørlandskysten i mars 2005. Departementet bad våren 2005 Kystdirektoratet om å gjennomføre ei slik vurdering.

I rapporten går Kystdirektoratet gjennom slepebåtkapasiteten langs heile norskekysten. Det er i dag på plass ein statleg slepebåtberedskap for Nord-Noreg. Rapporten vurderer om det trengst ytterlegare tiltak, både i høve til den etablerte beredskapen i nord og behov for Midt- og Sør-Noreg. Dei nærare framlegga og detaljane i rapporten vil departementet no arbeide vidare med.

• Nasjonal slepebåtberedskap – rapport fra arbeidsgruppe
  (pdf-format 3 MB)