Fiskeri- og kystdepartementet har fastsett forskrift om forbod mot fiske og fangst av brugde, håbrann og pigghå i 2007.

Det internasjonale råd for havforsking (ICES) tilrår at det vert fastsett forbod mot direktefiske/-fangst av brugde, håbrann og pigghå. På denne bakgrunn har Fiskeri- og kystdepartementet vidareført forbodet mot direkte fangst av brugde, i tillegg til at det er fastsett forbod mot direktefiske/-fangst av håbrann og pigghå.

Forbodet mot å fiske pigghå gjeld ikkje for fartøy under 28 meter største lengde som fiskar med konvensjonelle reiskap i Noregs indre farvatn og i sjøterritoriet.

Dersom bifangst av brugde er død eller døyande, skal den landast og registrerast. Levedyktig bifangst av brugde skal sleppast i sjøen.

Bifangst av håbrann og pigghå skal landast og registrerast.

•  Forskrift om forbud mot fiske og fangst av brugde, pigghå og håbrann i 2007