Fiskeri- og kystdepartementet har fastsett forskrift om regulering av fisket etter rognkjeks i Nordland, Troms og Finnmark i 2007. Reguleringane er i hovudsak ei vidareføring i forhold til inneverande år, med unntak av at det vert innført 2 ulike stoppdatoar for fisket i ulike område.

I 2007 er det tillate å fiske rognkjeks fram til 20. juni i Nordland, Troms og Finnmark vest for 26°Ø, og fram til 5. juli i Finnmark aust for 26°Ø. Grensa ved 26°Ø vert trekt slik at den samsvarer med statistikkområde 03. Hensikta med stoppdatoar i dette fisket er å redusere uttaket av førstegongsgytarar (relativt små rognkjeks), som generelt har eit noko seinare innsig enn større rognkjeks. Ein seinare stoppdato i Aust-Finnmark heng saman med eit seinare innsig og fangstsesong i dette området enn lengre vest.

Maksimalkvoten for 2007 er 2.000 kg, og 1 kg sjølvtilverka rogn skal avreknast 1,2 kg av kvoten.

•  Forskrift om fiske etter rognkjeks i 2007 i Nordland, Troms og Finnmark