Seikvoten for 2007
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Pressemelding
Pressemelding | Dato: 10.11.2006 | Sist oppdatert: 12.11.2006
Fiskeri- og kystdepartementet har fastsett totalkvoten for norsk arktisk sei nord for 62. breiddegrad i 2007 til 222 525 tonn. Det er ein auke på 15 prosent i høve til totalkvoten for i år.
Pressemelding
Nr.: 96/2006
Dato: 10.11.2006
Kontaktperson: Ekspedisjonssjef Johán H. Williams mob: 900 24 446
Seikvoten for 2007
Fiskeri- og kystdepartementet har fastsett totalkvoten for norsk arktisk sei nord for 62. breiddegrad i 2007 til 222 525 tonn. Det er ein auke på 15 prosent i høve til totalkvoten for i år.
Det internasjonale råd for havforsking (ICES) meiner at bestanden har god reproduksjonsevne og er hausta berekraftig. Fiskedøden er stabil og har sidan 1996 vore under føre var-nivået og gytebestanden har sidan 1994 vore godt over føre var-nivået på 220 000 tonn.
Ved fastsettinga av kvoten har departementet lagt til grunn den forvaltingsstrategien som Fiskeridirektoratet har utforma, men verdiane er justerte. Forvaltingsstrategien er ikkje endeleg vedteken og ICES skal vurdere om han er i tråd med føre var-tilnærminga. ICES vil også bli bedt om å vurdere den eventuelle meirverdien ved å setje fiskedøden lågare enn føre var-nivået. Forvaltingsstrategien vert endeleg fastsett etter vurderinga i ICES.