Europakommisjonen startar gjennomgang av anti-dumping-tiltaka mot norsk laks
Historisk arkiv
Publisert under: Regjeringen Stoltenberg II
Utgiver: Fiskeri- og kystdepartementet
Pressemelding | Nr: 23/2007 | Dato: 24.04.2007
Europakommisjonen offentleggjorde den 21. april at dei startar ein gjennomgang – ein ”review” – av anti-dumping-tiltaka mot norsk laks. Dette skjer etter oppmoding frå fem av EUs medlemsland (Italia, Spania, Portugal, Litauen og Polen). Perioden for undersøkingar er frå 1. januar 2006 til 31. desember 2006. I samband med gjennomgangen skal Kommisjonen ta stilling til om tiltaka skal førast vidare, fjernast eller endrast. EU innførte tiltaka mot norsk laks i januar 2006.
Europakommisjonen offentleggjorde den 21. april at dei startar ein gjennomgang – ein ”review” – av anti-dumping-tiltaka mot norsk laks. Dette skjer etter oppmoding frå fem av EUs medlemsland (Italia, Spania, Portugal, Litauen og Polen). Perioden for undersøkingar er frå 1. januar 2006 til 31. desember 2006. I samband med gjennomgangen skal Kommisjonen ta stilling til om tiltaka skal førast vidare, fjernast eller endrast. EU innførte tiltaka mot norsk laks i januar 2006.
- Når Kommisjonen no har sett i verk ein gjennomgang av tiltaka ventar norske styresmakter at det vil komme eit spørjeskjema frå Kommisjonen til alle aktørar i laksenæringa. Eg oppmodar heile næringa til å samarbeide og svare på spørsmåla frå EU, og til å halde tett kontakt med næringsorganisasjonane og Eksportutvalet for fisk (EFF) om dette, seier fiskeri- og kystminister Helga Pedersen.
Noreg hevdar at EUs tiltak bryt med WTOs regelverk på ei rekkje område og har difor teke saka til WTOs tvisteløysningsorgan. WTO-panelsaka går sitt løp uavhengig av Kommisjonens gjennomgang. Det er venta at WTO-panelet som vurderer saken, legg fram rapporten sin i førstninga av juli.
Kontaktperson: |
EUs kunngjering:
http://eur-lex.europa.eu/LexUriServ/site/da/oj/2007/c_088/c_08820070421da00260029.pdf