Fiskeri- og kystministeren besøkjer Senja

Priv. til red.

Fiskeri- og kystminister Lisbeth Berg-Hansen besøkjer Senja 13. april. Pressa er invitert til å delta på turen.

Statsråden skal bl.a. ha møte med Nergård AS. På dette møtet ønskjer selskapet å presentere sitt syn på utfordringane innanfor kvitfisk, pelagisk og reker.

Statsråden skal også møte profilgruppa, der temaet er ”Framtidas fiskeripolitikk - kva vil vi med fiskerinæringa?”. Profilgruppa består av ca. 50 bedriftsleiarar i regionen (alle bransjar). I tillegg deltar ordførarane i regionen.

Journalistar som ønskjer å delta på heile eller deler av statsråden sitt besøk kan ta kontakt med kommunikasjonssjef Anne-Berit Herstad på mob. 970 81 522.

Program for pressa

11.00-12.30     Omvising på Nergård AS og deira ulike verksemder i Senjahopen.   

13.00-14.00     Lunsj (Hamn på Senja).

14.30-16.00     Presentasjon av og omvising på Nergård sitt anlegg og informasjon om den
                      nye moloen som Kystverket byggjer (Gryllefjord).

18.15-18.30     Statsråden er tilgjengeleg for pressa i forkant av møtet med
                      profilgruppa (Senjastua, Silsand).