Forslag om å heve kvotetaka i den konvensjonelle havfiskeflåten

Fiskeri- og kystdepartementet har i dag sendt ut forslag om å heve kvotetaka for torsk og hyse i den konvensjonelle havfiskeflåten frå 3 til 5.

–Konvensjonelle havfiskefartøy har i fleire år slite med låg lønnsemd, og ut frå ei samla vurdering har eg kome fram til eit forslag som kan bidra til å snu denne utviklinga, seier fiskeri- og kystminister Lisbeth Berg-Hansen.

I høyringsnotatet ber Departementet samtidig om innspel til ei avgrensa heving av kvotetaka for torsk og hyse frå 3 til 4.

Høyringsfristen er sett til 25. mai 2012.

Kontaktperson: rådgjevar Guri Hjallen Eriksen, tlf. 22 24 64 57