Slotsvik held fram som kystdirektør

Kystdirektør Kirsti Lovise Slotsvik er i statsråd i dag tilsett i nytt åremål som kystdirektør for Kystverket for ein periode på seks nye år.

Ho er utdanna landskapsarkitekt, og har ein  lang og variert bakgrunn som leiar av tyngre kompetansemiljø, mellom anna har ho vore  distriktssjef i Statens vegvesen.

Kystverket er ein nasjonal etat for  kystforvaltning, sjøsikkerheit og samferdsle  til sjøs. Etaten har ansvar for  navigasjonsinstallasjonar, lostenesta, trafikkontroll, statens beredskap mot akutt forureining (oljevernberedskap), fiskerihamner og farleitiltak. Verksemda  dekker også maritim sektor av Nasjonal transportplan og forvaltningsoppgåver i  tilknyting til lovverk for hamner, farleier og losplikt. Kystverket er underlagt Fiskeri- og kystdepartementet, har ca. 1000 tilsette og er organisert med hovudkontor i Ålesund og med 5 regionar.

Se originalt bilde til mediebruk på Flickr.