Vil ha seglingsleier utanfor Vestlandet
Historisk arkiv
Publisert under: Regjeringen Stoltenberg II
Utgiver: Fiskeri- og kystdepartementet
Nyhet | Dato: 17.10.2007
- Farvatna utanfor Vestlandet er tett trafikkerte. Det er tverrgåande trafikk til og frå sokkelen, nyttetrafikken i leia langs kysten og ein betydeleg transittrafikk. Difor vil regjeringa arbeide for å få fastsett påbodne seglingsleier langs Vestlandet for å få meir kontroll med trafikken og flytte farleg og forureinande last lengre ut frå kysten, sa statssekretær Vidar Ulriksen i Fiskeri- og kystdepartementet på Logistikkdagen 2007 i Bergen i dag.
Ulriksen sa vidare at det må leggjast tilstrekkeleg vekt på godstransporten i Nasjonal transportplan 2010-2019. Det er viktig at hamnene vert meir sentrale i utviklinga av effektive og sikre transportkjeder. Vi må sjå alle former for transport i samanheng.
- Tankane om at Bergen hamn kan avlaste importhamnene på Austlandet finn eg svært interessante. Ei betre arbeidsdeling mellom hamnene i aust og vest kan avlaste vegen og gjere norsk transport meir effektiv, sa statssekretær Vidar Ulriksen.