Betre dialog mellom olje og fisk

Det skal bli betre dialog mellom olje- og fiskeristyresmaktene når det gjeld seismikkinnsamling, lova statssekretær Vidar Ulriksen i Fiskeri- og kystdepartementet på fiskerikonferansen i Bø fredag.

- I begge departementa er vi opptatt av at regelverket som styrer innsamlinga av seismiske data skal bli betre, og vi følgjer opp forslaga frå arbeidsgruppene som har sett på dette, sa Ulriksen.

I 2009 skal det i tillegg gjennomførast forsking i tilknyting til seismikkinnsamlinga i Lofoten og Vesterålen for betre å kunne talfeste skremmeeffekten seismikkskyting har på fiskebestandane.