Invitasjon til seminar: Nye næringsmulegheiter – grøn energi frå havet?
Historisk arkiv
Publisert under: Regjeringen Stoltenberg II
Utgjevar: Fiskeri- og kystdepartementet
Nyheit | Dato: 17.10.2011
Fiskeri- og kystministeren inviterer til seminar med temaet: Kan tare bli ei ny kjelde for bioenergi? 25. oktober kl. 12.00-16.00 i Grubbegata 1, Oslo.
Fiskeri- og kystministeren inviterer til seminar med temaet: Kan tare bli ei ny kjelde for bioenergi?
Tid: 25. oktober kl. 12.00-16.00.
Stad: Møterom Skrova i Fiskeri- og kystdepartementet, Grubbegata 1, Oslo.
Med dette seminaret vil vi samle næringsaktørar, universitet og høgskular, dei som tek avgjerder og verkemiddelapparatet for å få belyst og debattert mulegheiter og utfordringar.
På seminaret får vi status for kvar forskinga og næringsutviklinga som gjeld bruk av tare til bioenergi står i dag. Vidare vil seminaret også leggje vekt på verdien av berekraftig bioenergi.
Utnytting av tare til lønnsame produkt har lang tradisjon i Noreg. Del to av seminaret vil ta for seg dagens utnytting av tare og kva som kan bli aktuelt framover.
Bakgrunnen for seminaret er følgjande:
- Behovet for mat og energi i verda aukar.
- Noreg har dei største bestandane av tare i Europa.
- Tare bind karbon svært effektivt og veks raskt.
- Fiskeri- og kystdepartementet arbeider med ei stortingsmelding – Noreg, den fremste sjømatnasjonen i verda. I denne meldinga vil vi også drøfte nye næringsmulegheiter.
Vi legg opp til god tid til spørsmål og debatt.
SINTEF Fiskeri og havbruk har hjulpe departementet i å utarbeide program.