Trekkjer statleg barnehagetilskott

Ein stikkontroll av 60 norske kommunar viser at 90 millionar kroner øyremerkte til drift av barnehagar i 2006, er nytta til andre formål. –  Øyremerkte midlar skal ikkje nyttast til andre formål enn det dei er løyvde til. Vi kan ikkje akseptere at kommunane bryt vilkåra for bruk av skjønnsmidlar til drift av barnehagar, seier kunnskapsminister Bård Vegar Solhjell.  

 

Telemarksforsking har etter oppdrag frå Kunnskapsdepartementet, gjennomført ein stikkprøvekontroll i 60 kommunar for å sjå om kommunane har nytta skjønnsmidlane i samsvar med føresetnadene. Utvalet er gjort etter funn i KOSTRA-tala frå kommunane. Tala indikerer at skjønnsmidlane ikkje er nytta til drift av barnehagar. Kontrollen viser at 54 av dei 60 kommunane har brukt til saman 90 millionar kroner til andre formål. Kunnskapsdepartementet har vedteke at 50 prosent av skjønnsmidlane nytta til andre formål enn drift av barnehagar, skal trekkjast inn, totalt 45 millionar kroner. 

– Vi har valt ein strengare reaksjon i år enn i fjor, som var første gongen kontrollopplegget vart gjennomført. Vi vil framover vurdere enda sterkare reaksjonar i høve til kommunar som ikkje nyttar midlane etter føresetnadene, seier Solhjell.  

Skjønnsmidlane vart første gongen tildelte i 2004. Formålet med slike midlar er å kompensere for meirutgifter kommunane fekk då dei innførte maksimalpris, kommunal plikt til økonomisk likeverd av barnehagane og drift av nye barnehageplassar. 

I barnehageforliket var eit av vilkåra at kommunane skulle halde oppe sine netto driftsutgifter til barnehagar på same nominelle nivå som før forliket vart inngått. . All vekst i offentleg finansiering skulle komme gjennom auka statstilskott. Kommunar som nominelt reduserer si eiga løyving til barnehagesektoren i høve til nivået i 2003, skal ikkje få dette kompensert gjennom auka statlege overføringar. 

 

Liste med summer (i tusen): 

Kommnavn	Trekk (50 pst.)
Sarpsborg	3 979
Fredrikstad	2 503
Trøgstad	742
Eidsberg	1 145
Aurskog-Høland	564
Enebakk	634
Nes	1 403
Elverum	625
Engerdal	701
Os	293
Lom	215
Gran	784
Flå	85
Hol	424
Røyken	140
Stokke	152
Nøtterøy	168
Tjøme	102
Porsgrunn	2 196
Drangedal	483
Bø	8
Arendal	1 535
Tvedestrand	1 048
Flekkefjord	1 270
Vennesla	1 181
Kvinesdal	600
Hå	1 664
Sola	1 524
Sauda	1 066
Stord	2 147
Fjell	181
Meland	1 329
Lindås	895
Masfjorden	57
Lærdal	292
Vågsøy	954
Selje	309
Sula	14
Fræna	852
Frei (Kristiansund fra 01.01.08)	1 095
Hemne	839
Hitra	387
Klæbu	1 410
Meråker	532
Verran	318
Snåsa	20
Bindal	187
Fauske	1 182
Steigen	412
Lavangen	207
Målselv	926
Skjervøy	2 315
Loppa	511
Unjarga - Nesseby	368