NRK "Alltid"-kanalar får forlengd frekvensløyve
Historisk arkiv
Publisert under: Regjeringen Stoltenberg II
Utgiver: Kultur- og kirkedepartementet
Nyhet | Dato: 16.10.2006 | Sist oppdatert: 29.10.2006
Samferdselsdepartementet har vedteke at NRK skal få nytte frekvensressursar i FM-bandet til sine radiosendingar ”NRK Alltid Nyheter”, ”NRK Alltid Klassisk” og ”NRK mPetre” ut 2007.
NRK ”Alltid”-kanalar får forlengd frekvensløyve
Samferdselsdepartementet har vedteke at NRK skal få nytte frekvensressursar i FM-bandet til sine radiosendingar ”NRK Alltid Nyheter”, ”NRK Alltid Klassisk” og ”NRK mPetre” ut 2007.
I samband med at NRK har avvikla sendinga ”NRK Alltid Stortinget” har Samferdselsdepartementet avgjort at dei ledige ressursane skal øyremerkast til bruk for lokalradio. Desse frekvensressursane vil bli utlyste i samband med ny lokalradiokonsesjonsperiode som skal gjelde frå 1. januar 2008.
NRK har konsesjon på frekvensressursane i FM-bandet fram til 1. november 2006. Selskapet har søkt om ei forlenging av konsesjonsperioden, i første omgang ut 2007. NRK driv utvikling av digital radio, såkalla DAB, og dei analoge sendingane i FM-bandet kan etter kvart bli fasa ut. I overskueleg framtid vil det likevel bli distribusjon både av analoge og digitale radiosendingar.