Styrking av frivillig sektor
Historisk arkiv
Publisert under: Regjeringen Stoltenberg II
Utgjevar: Kultur- og kirkedepartementet
Pressemelding | Dato: 11.11.2005 | Sist oppdatert: 05.10.2006
Regjeringa vil auka løyvinga til frivillig sektor i 2006 i høve til budsjettet frå Bondevik-regjeringa. Regjeringa vil styrkja løyvinga til frivilligsentralar og gjer framlegg om å oppretta ti nye sentralar i 2006. Samanlikna med budsjettet frå Bondevik-regjeringa foreslår regjeringa ein auke på to millionar kroner til frivilligarbeidet. (10.11.05)
Pressemelding
Nr.: 167/05
Dato: 10.11.2005
Kontaktperson: Informasjonssjef Signe Bjørvik, tlf. 22 24 78
09
Styrking av frivillig sektor
Regjeringa vil auka løyvinga til frivillig sektor i 2006 i høve til budsjettet frå Bondevik-regjeringa.
Regjeringa vil styrkja løyvinga til frivilligsentralar og gjer framlegg om å oppretta ti nye sentralar i 2006. Samanlikna med budsjettet frå Bondevik-regjeringa foreslår regjeringa ein auke på to millionar kroner til frivilligarbeidet.
Auke i støtta til Frifond
I statsbudsjettet for 2006 foreslo Bondevik-regjeringa at
støtta til Frifond over statsbudsjettet skulle avviklast.
Regjeringa meiner det er behov for å halda oppe den frivillige
barne- og ungdomsaktiviteten på eit høgt nivå. Det vert difor
foreslått ei løyving på 15 millionar kroner til Frifond over
statsbudsjettet i 2006, slik at det i tillegg til spelemidlar også
vert ytt tilskot til Frifond over statsbudsjettet.
Totalt vil denne løyvinga i tillegg til spelemidlar gje om lag 135 millionar kroner til Frifond i 2006.
I tillegg er det fleire andre tiltak på budsjettet som styrkjer det frivillige arbeidet.