1,5 millionar i ekstra tilskot til Henrik Wergeland-jubileet
Historisk arkiv
Publisert under: Regjeringen Stoltenberg II
Utgjevar: Kultur- og kirkedepartementet
Pressemelding | Dato: 29.12.2006 | Sist oppdatert: 06.02.2007
Kultur- og kyrkjedepartementet gir eit ekstraordinært tilskot på kr 1 500 000 til Eidsvoll 1814. Tilskotet skal gå til førebuing av 200-årsjubileet for Henrik Wergelands fødsel i 2008.
Nr.: 196/2006
Dato: 29.12
1,5 millionar i ekstra tilskot til Henrik Wergeland-jubileet
Kultur- og kyrkjedepartementet gir eit ekstraordinært tilskot på kr 1 500 000 til Eidsvoll 1814. Tilskotet skal gå til førebuing av 200-årsjubileet for Henrik Wergelands fødsel i 2008.
Førebuingane skal skje i et samarbeid mellom Nasjonalbiblioteket, Riksarkivet, Eidsvoll 1814 og Wergeland-selskapet.
- Wergeland var ein nyskapande diktar og lyrikar i verdsformat og ein samfunnsengasjert talsmann for toleranse, fridom og menneskeverd. 200-årsjubileet i 2008 gir oss høve til å gjenoppdage Wergeland. Difor er det viktig at kulturinstitusjonane kjem i gang med planlegginga av Wergeland-jubileet så snart som mogleg, seier kultur- og kyrkjeminister Trond Giske.