Styrking av Telemarks-musea
Historisk arkiv
Publisert under: Regjeringen Stoltenberg II
Utgjevar: Kultur- og kirkedepartementet
Pressemelding | Dato: 06.10.2006 | Sist oppdatert: 30.10.2006
Pressemelding
Nr.: 147/06
Dato: 06.10.2006
Styrking av Telemarks-musea
Forslaget til statsbudsjett for
2007 inneber ein auke i ulike kulturtilbod i Telemark på vel 7.7
millionar kroner.
Regjeringa gjer framlegg om eit investeringstilskot på 5
millionar kroner til Norsk Industriarbeidarmuseum på Rjukan.
– Industriarbeidarmuseet på Rjukan representerer ein viktig del av industrihistoria i Noreg. Opprusting og utviding av museumsanlegget på Vemork har hatt prioritet i budsjettarbeidet, seier kultur- og kyrkjeminister Trond Giske.
Auken til kulturinstitusjonar i Telemark er fordelt slik:
1 million kroner til Teater Ibsen
0.6 millionar kroner til Vest-Telemark Museum
0.4 millionar kroner til Telemark Museum
0.16 millionar kroner til Porsgrunn Internasjonale
Teaterfestival
- Kulturlyftet betyr at ein satsar på kultur i Telemark. Det skal koma alle til gode, seier kultur- og kyrkjeminister Trond Giske.
Mange andre ordningar under Kulturrådet vil også koma Telemark til gode. Festivalstøtte, ensemblestøtte, korsatsing, korpsstøtte og rockesatsinga er tiltak som skal fordelast over heile landet.