Sterk satsing på museum, teater og opera i Møre og Romsdal

I kulturbudsjettet for 2009 foreslår regjeringa ein ordinær auke i løyvinga til Sunnmøre Museum på vel 1,5 millionar kroner.

Samstundes blir tilskotet til Atlanterhavsparken avvikla og lagt inn i tilskotet til Sunnmøre Museum. Dette inneber at tilskotet til Sunnmøre Museum aukar til saman med vel 3,2 millionar kroner. Det er også lagt inn forslag om 0,5 millionar kroner til Romsdals­museet og Nordmøre Museum. Det er vidare foreslått ein auke i løyvinga til Nynorsk kultursentrum på 1 million, slik at tilskotet til saman blir nærare 10,1 millionar kroner.

Regjeringa fremjar også forslag om ein auke i tilskotet på 1,5 millionar kroner til Teatret Vårt og ein auke på 1 million kroner til Operaen i Kristiansund. I tillegg foreslår regjeringa mellom anna desse løyvingane til kultur i Møre og Romsdal:

                                                                                                                                                    

	Tilskot 2008	Samla  auke	Forslag 2009
Molde Internasjonale Jazz festival	4 567	500	5 067
Teatret Vårt	14 931	1 500	16 431
Operaen i Kristiansund	10 524	1 000	11 524
Bjørnsonfestivalen	1 095	200	1 295
Nordmøre museum	5 262	500	5 762
Nynorsk kultursentrum	9 090	1 000	10 090
Romsdalsmuseet	4 485	500	4 985