Meir til samiske kulturformål

I statsbudsjettet for 2010 aukar løyvinga til samiske kulturformål med 10 millionar kroner. 3,3 millionar går til kulturformål under Sametinget, som får ei løyving på totalt 65 millionar kroner i 2010.

Tilskotet til Nordnorsk Opera og Symfoniorkester vil få ein auke på 10,2 millionar kroner. Tilskotet til Landsdelsmusikerne i Nord-Norge aukar med  1 million kroner, noko som vil gje eit tilskot på i underkant av 17,2 mill. kroner. Desse tiltaka vil også kome Finnmark til gode. Tilskotet til Stellaris Danseteater er foreslått auka til vel 4 millionar kroner.

Internasjonalt samisk filmsenter får ei auke på 500 000 kroner frå posten for regionale filmmidlar, og nordområdesatsinga aukar frå 5 millionar til 9 millionar kroner i 2010.

Den totale løyvinga over KKDs budsjett til Finnmark i 2010 er på om lag 33,4 millionar kroner.

Tiltak                         Alle beløp i 1000-kroner	Vedtak 2009	Endring	Forslag 2010
Internasjonalt samisk filmsenter	1 500	500	2 000*
Landsdelsmusikerne i Nord-Norge	16 163	1 000	17 163
Nordnorsk Opera og Symfoniorkester	26 092	10 231	36 323
Nordområdesatsing, inkl. Norsk-russisk kultursamarbeid (tilskuddet går til ulike tiltak i de tre nordligste fylkene)	5 000	4 000	9 000
Samiske kulturformål under Sametinget	61 993	3 360	65 353

* Auken kjem frå posten for regionale filmmidlar.