Satsing på museum og opera i Sogn og Fjordane

I kulturbudsjettet for 2010 kjem ein auke på 1,5 millionar kroner til musea i Sogn og Fjordane.

Sogn Folkemuseum, Kystmuseet i Sogn og Fjordane, Nordfjord Folkemuseum, Sogn og Fjordane Kunstmuseum og Sunnfjord Museum konsoliderte i eininga Musea i Sogn og Fjordane.

Tilskotet til Opera Nordfjord aukar med 500 000 kroner til 2,9 millionar kroner, som mellom anna skal styrkje den kunstnarlege verksemda.

Sogn og Fjordane Teater vil få ein auke i tilskotet på 1,5 millionar kroner. Dette skal styrkje den kunstnarlege verksemda og dekkje auka pensjonskostnader. Tilskotet for 2010 vil verte i underkant av 15,8 millionar kroner. Tilskotet til Førde Internasjonale Folkemusikkfestival er også auka.

Den totale løyvinga over KKDs budsjett til Sogn og Fjordane i 2010 er på 47,3 millionar kroner.