Forsvarskommunar får 19,5 millionar
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Nr: 11/2007 | Dato: 23.02.2007
Regjeringa løyver 19,5 millionar kroner til kommunar der Forsvaret innskrenkar eller legg ned.
Regjeringa løyver 19,5 millionar kroner til kommunar der Forsvaret innskrenkar eller legg ned.
Moderniseringa av Forsvaret gjer at enkelte kommunar mistar arbeidsplassar. Kommunal- og regionaldepartementet har i samråd med Forsvarsdepartementet fordelt 19,5 millionar kroner. Fylkeskommunane fordeler løyvingane.
- Sjølv om kommunane i mindre grad blir råka av moderniseringstiltaka denne gongen, blir verknadene likevel store for økonomi og sysselsetjing i enkelte kommunar. Derfor er det nødvendig med ekstra midlar, seier statssekretær Inge Bartnes i kommunal- og regionaldepartementet.
- Med nye midlar kan fylkeskommunen, i samråd med dei kommunane som blir råka, setje i gang tiltak for å styrkje nærings- og busetjingsgrunnlaget der Forsvaret legg ned eller reduserer verksemda og det er vanskeleg å skaffe alternative arbeidsplassar, seier Bartnes.
For 2007 har departementet fordelt 19,5 millionar kroner slik:
FYLKE |
TILDELING |
Hedmark |
3 500 |
Buskerud |
4 500 |
Sogn og Fjordane |
3 000 |
Nordland |
5 500 |
Troms |
1 000 |
Finnmark |
2 000 |
SUM |
19 500 |
Kommunal- og regionaldepartementet sin pressetelefon: 22 24 25 00.