Kommunal- og regionaldepartementet støtter IKT-senter i Kviteseid
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Nr: 127/07 | Dato: 02.08.2007
Kviteseid kommune får 600.000 kroner gjennom Småsamfunnssatsinga i Kommunal- og regionaldepartementet (KRD) til oppbygging av eit informasjons- og kommunikasjonsmiljø i Kviteseid i Telemark.
Kviteseid kommune får 600.000 kroner gjennom Småsamfunnssatsinga i Kommunal- og regionaldepartementet (KRD) til oppbygging av eit informasjons- og kommunikasjonsmiljø i Kviteseid i Telemark.
Miljøet skal bli ein viktig samfunnsutviklar for kommunen. Dette skal skje ved at det blir etablert nye verksemder i Finndalen IKT-senter i kommunen.
- Å utvikle kompetansearbeidsplassar er ein viktig del av regjeringas distriktspolitiske innsats. Prosjektet i Kviteseid vil gi spennande IKT-arbeidsplassar og vere med å gjere dette samfunnet meir livskraftig og robust, seier statsråd Haga.
Kviteseid kommune ønskjer at IKT- satsinga skal gje tettstaden ny rolle som ein sentral data-og IKT- leverandør i Midt-Telemark.
Ein reknar med at senteret vil få opp til 16 nye arbeidsplassar. I dag har senteret 7 arbeidsplassar.
Kviteseid kommune har over fleire år arbeid aktivt for å utvikle tettstaden Kviteseid sentrum – Kviteseidbyen - for å gjera staden attraktiv som bu og møteplass. Kommunen, fylket, vegvesenet og næringslaget har deltatt i denne prosessen for å fornye tettstaden.
No står eit næringsutviklingsprosjekt for døra der siktemålet er å skape arbeidsplassar i dei nye omgjevnadene. Dette småsamfunnsprosjektet er ei vidareføring av det aktive utviklingsarbeidet som kommunen har starta opp for fleire år sidan.
KRD har i 2007 sett av inntil 50 millionar til Småsamfunnsprosjekt rundt om i landet. Målet er å få norske tettstader til å bli meir attraktive enn i dag, spesielt for de unge.
Kommunal- og regionaldepartementet sin pressetelefon: 22 24 25 00.