Kommunal- og regionalministeren vitjar Barentssekretariatet
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Nr: 46/2008 | Dato: 11.04.2008
Statsråd Magnhild Meltveit Kleppa vil måndag 14. april vitja Barentssekretariatet i Kirkenes. Ho vil også ha samtale med Sør-Varanger kommune.
Statsråd Magnhild Meltveit Kleppa vil måndag 14. april vitja Barentssekretariatet i Kirkenes. Ho vil også ha samtale med Sør-Varanger kommune.
Føremålet med besøket er å læra om korleis kommunen og sekretariatet møter dei store utfordringane i nord.
- Eg er svært oppteken av at verksemdene i Barentshavet skal gje auka og varige aktivitetar i land, seier statsråd Kleppa.
- Det er gledeleg å konstatera den optimismen som rår i Kirkenessamfunnet. Kirkenes har vorte ein internasjonal by. Særleg er kontakten og samarbeidet med Russland aukande.
Barentsekretariatet har gjennom sitt folk-til-folk-samarbeid gjennom 15 år lagt eit solid grunnlag for også auka næringssamarbeid over grensa. Sekretariatet sine kunnskapar om Nordvest-Russland er også svært viktig for vårt Interregarbeid, særleg prosjektet Nordlege Maritime korridor.
- Eg er difor glad for at me i 2008 har styrkt tilskotet til dette arbeidet og til drifta av sekretariatet, avsluttar statsråd Kleppa.
- Program (pdf)
- Kommunal- og regionalministeren vitjar Vadsø (pressemelding 11.04.08).