Bulystmidlar til Norges Bygdekvinnelag

35 prosjekt i heile landet får 32 millionar kroner til å arbeide med bulyst. - Det har vore eit krevjande arbeid å plukke ut dei beste av heile 260 søknader, seier kommunal- og regionalminister Liv Signe Navarsete.

Regjeringa vil at alle i Noreg skal ha høve til å bu der dei ønskjer. Den nye Bulyst-satsinga skal utvikle endå meir attraktive lokalsamfunn over heile landet.

- Søknadsbunken vitnar om at det er eit stort engasjement i heile landet, seier kommunal- og regionalminister Liv Signe Navarsete. Det kom inn søknader for i overkant av 200 millionar kroner. Tema som omdømme, kulturbasert stad- og næringsutvikling samt prosjekt for å skaffe bustader går att i mange søknader. Andre tema er tenester, arbeid og medverknad.

I utveljinga av Bulyst-prosjekt har Kommunal- og regionaldepartementet særleg lagt særleg vekt på kvalitet, forankring, nytenking og samarbeid. Viktige målgrupper er ungdom, kvinner og innvandrarar. Også fylkeskommunane har spelt ei viktig rolle i handsaminga av søknader.

Rause og opne bygder
Norges Bygdekvinnelag får 2 millionar kroner til det treårige prosjektet Bygdekvinnelaget åpner bygda! Gjennom dette prosjektet skal Bygdekvinnelaget bli ei sterkare drivkraft for å gjere bygder meir inkluderande, opne og rause, særleg for kvinner og tilflyttarar.

Utgangspunktet er at mange bygder er avhengige av tilflytting, og at tilflyttarar treng gode nettverk og møteplassar. Bygdekvinnelaget ynskjer å utvikle kunnskapar, metodar og materiell som gjer dei 500 lokallaga rundt om i landet betre rusta for å skape meir inkluderande bygder.

Fem år med spanande prosjekt i distrikta
- Regjeringa har arbeidd med ulike prosjekt for å skape attraktive lokalsamfunn og bulyst sidan me lanserte Distriktsløftet i 2005. Me har lært kort viktig det er at utviklingsarbeidet er godt forankra, og at fleire aktørar samarbeider. Dette legg me stor vekt på i Bulyst-satsinga, seier Navarsete.

Kommunal- og regionaldepartementet sin pressetelefon: 22 24 25 00.