Skjønsmidlar til flaumramma kommunar og fylke
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Pressemelding | Dato: 21.12.2011
Regjeringa gir 170 millionar kroner ekstra i skjønsmidlar til flaumramma kommunar og fylkeskommunar. – Vi vil hjelpe kommunane med delar av ekstrautgiftene deira, seier kommunal- og regionalminister Liv Signe Navarsete.
Regjeringa gir 170 millionar kroner ekstra i skjønsmidlar til flaumramma kommunar og fylkeskommunar. – Vi vil hjelpe kommunane med delar av ekstrautgiftene deira, seier kommunal- og regionalminister Liv Signe Navarsete.
- Flaum ga store skader på vegane i 2011. Mange kommunar og fylkeskommunar har fått store uventa utgifter på grunn av dette. Desse kommunane vil få ein kompensasjon knytt til dei akutte ekstrautgiftene til kommunal infrastruktur i samband med flaumen, seier Navarsete.
I nysaldert budsjett blei det gitt 100 millionar kroner ekstra til flaumramma kommunar og fylkeskommunar.
Til saman vil kommunal- og regionaldepartementet betale ut om lag 170 millionar kroner til kommunar og fylkeskommunar som var råka av flaum i 2011. Dei som vart hardast råka av flaumen, vil få høgare kompensasjon enn andre. Kompensasjonen vil bli utbetalt før nyttår.
Kommunal- og regionaldepartementet sin pressetelefon: 22 24 25 00.