505 millionar kroner til regional næringsutvikling i 2012

Kommunal- og regionaldepartementet gir i år 505 millionar kroner til fylkeskommunar der kommunar har fått auka arbeidsgjevaravgift i høve til nivået før 2004.

Ordninga med ulik arbeidsgjevaravgift vart stansa i 2004 etter krav frå ESA (EUs overvakningsorgan), fordi den vart oppfatta som diskriminerande. I 2007 fekk den raud-grønne regjeringa godkjend gjeninnføring av ordninga, men med endringar - nokre distrikt fekk høgare arbeidsgjevaravgift enn før 2004. Dette lova regjeringa å kompensere for.

Regjeringa har lagt vekt på å føre attende midlane til desse områda på best muleg måte.

- Sidan ordninga vart innført i 2004 har det vore eit tett samarbeid mellom fylkeskommunane og næringslivet, noko som er særleg viktig i dette arbeidet, seier kommunal- og regionalminister Liv Signe Navarsete.

Desse midlane skal bidra til utvikling av næringslivet og gi arbeidsplassar i desse fylka.

- Dei årlege rapporteringane viser at fylkeskommunane i bruken av midla utnyttar regional kunnskap til beste for innbyggjarne og næringslivet i fylka sine, samstundes som dei fylgjer lojalt opp måla til regjeringa, seier Navarsete.

Tabellen under viser fordelinga i 2012

 

	Næringsretta utviklingstiltak, kompensasjonsmidlar 2012 (i millionar kroner)
Hedmark	10,28
Oppland	4,54
Buskerud	2,04
Telemark	3,07
Aust-Agder	2,32
Vest-Agder	3,4
Rogaland	16,3
Hordaland	46,92
Sogn og Fjordane	38,13
Møre og Romsdal	83,37
Sør-Trøndelag	12,32
Nord-Trøndelag	0,88
Nordland	114,36
Troms	167,15
Sum	505,05

 

• Tilskotsbrev til fylkeskommunar frå kap. 551, post 60

• Tilskotsbrev til fylkeskommunar frå kap. 551, post 61

  .  

Kommunal- og regionaldepartementet sin pressetelefon: 22 24 25 00.