Seljord kommune med i satsinga ”Bustadetablering i distrikta”

Seljord er ein av 12 kommunar som får å ta del i den nye treårige satsinga ”Bustadetablering i distrikta”. 

- Det har vore krevjande  å plukke ut dei beste av 82 søknadar. At heile 82 kommunar søkte om å ta del i satsinga syner at ”Bustadetablering i distrikta”  både er eit attraktiv og viktig tiltak, seier kommunal- og regionalminister Liv Signe  Navarsete.

”Bustadetablering i distrikta” er ei treårig satsing. I 2012 er det sett av 20 millionar kronar til satsinga. Husbanken har ansvar for koordinering. 

- Målet er å auke bustadtilbodet i distrikta. Nokre stader er bustadmarknadene små og usikre. Andre plassar manglar det bustader. Kommunar kan ha arbeidsplassar, men ikkje bustader til tilflyttarar. Tilskot til bustadetablering vil gjere det lettare å rekruttere kompetanse til slike kommunar, seier Navarsete.

Seljord kommune har positiv næringsutvikling med mykje innpendling. Fleire bustader er viktig for å sikre berekraftig næringsutvikling, rekruttering og auka folketal. Kommunen driv eit godt bustadpolitisk arbeid. Rekrutteringsbehova til både næringslivet og kommunen er viktig i dette arbeidet. Kommunen ønskjer også å etablere prøvebustader i Flatdal. 


Kommunal- og regionaldepartementet sin pressetelefon: 22 24 25 00