15 millionar til mindre kommunar i distrikta

Kommunal- og regionaldepartementet tildeler fylkeskommunane 15 millionar kroner for å gje mindre kommunar i distrikta større kapasitet til å utvikle  lokalsamfunna. 

Målet er å auke kommunane sin innsats i utviklinga av  lokalsamfunn som er attraktive for innbyggarar og næringsliv.

Bruken av midlane skal  ta utgangspunkt i behov og planar i kommunane. 

Fylkeskommunane og Distriktssenteret skal i samarbeid med kommunane utvikle eit femårig utviklingsprogram tilpassa utfordringane i dei ulike kommunane.                                                                                             

Målgruppa er kommunar:        

• Med mindre enn 2000 innbyggarar og som ligg innanfor det distriktspolitiske verkeområdet sine soner III og IV, med størst høve til å gje offentleg støtte. Som manglar kapasitet eller kompetanse til å kunne prioritere strukturert utviklingsinnsats
• Som ikkje tek del i regionale- eller statlege tiltak for å utvikle attraktive lokalsamfunn eller har status som omstillingskommune.

Kommunane kan gjerne samarbeide med større, eller omkringliggjande kommunar. 

- Dette er eit målretta tiltak der vi rettar innsatsen mot små kommunar og bidreg med kompetanse og økonomiske verkemidlar for å utvikle potensialet som ligg i desse kommunane, seier kommunal- og regionalminister Liv Signe Navarsete.

Vedlagte tabell viser fordelinga av midlane:

Fylke	Kommunar	Mill.kr
Finnmark	Nesseby og Karasjok	0,8
Troms	Kvænangen, Storfjord, Berg og Tranøy	1,5
Nordland	Grane, Hattfjelldal, Moskenes og Lurøy	1,5
Nord-Trøndelag	Høylandet, Namdalseid, Fosnes og Flatanger	1,5
Sør-Trøndelag	Osen, Roan og Holtålen	1,1
Møre- og Romsdal	Halsa, Stordal og Norddal	1,1
Sogn og Fjordane	Hornindal og Balestrand	0,8
Hordaland	Granvin og Ulvik	0,8
Rogaland	Kvitsøy	0,5
Vest-Agder	Åseral, Audnedal og Hægebostad	1,1
Aust-Agder	Vegårdshei, Valle og Bygland	1,1
Telemark	Hjartdal, Fyresdal og Nissedal	1,1
Buskerud	Krødsherad	0,5
Hedmark	Folldal, Rendalen og Engerdal	1,1
Østfold	Marker, Aremark og Rømskog	0,5
SUM		15,0

Kommunal- og regionaldepartementet sin pressetelefon: 22 24 25 00.