Tilsvar leiar i Aftenposten 21. april 2010
Angrip ikkje Oslo
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Tale/innlegg | Dato: 23.04.2010
Av: Tidligere kommunal- og regionalminister Liv Signe Navarsete
Innlegget ble sendt Aftenposten 23.04.2010.
I ein elles balansert leiar 21. april om møteserien om motmakt og regional utvikling, held Aftenposten fast på fleire feilaktige påstandar om kva eg har sagt og meint i ordskiftet.
Eg freistar ikkje halde liv i kunstige motsetnader mellom by og land eller angripe Oslo. Det har eg vore nøye med å understreke i alle mine innlegg i denne møteserien.
Debatten har såleis ikkje vore nokon kampanje mot Oslo by, innbyggjarane der eller hovudstaden. Anten me bur i Groruddalen eller Gudbrandsdalen, kan me oppleve avmakt.
Samfunnsutvikling, motmakt og regionalt samspel, har vore nøkkelord i den debatten som verkeleg har funne stad. Diverre fann ingen såkalla riksmedier debatten interessant før han kom til Operaen i Bjørvika, i gangavstand frå Aftenposten-redaksjonen.
Det eg håpar på er eit ordskifte om kva slags samfunn Noreg skal vere om nokre tiår og kva som er dei sentrale utviklingstrekka. I ein slik debatt er det umuleg ikkje å ta stilling til maktopphoping i Oslo og spenninga sentrum periferi.