Satsar på innovasjon
Historisk arkiv
Publisert under: Regjeringen Stoltenberg II
Utgjevar: Kommunal- og regionaldepartementet
Innlegget blei sendt til VG 30.08.2010.
Tale/innlegg | Dato: 13.09.2010
Av: Tidligere statssekretær Hege Solbakken (i permisjon fra januar til oktober 2012)
Innsendaren Vestlending hevdar i VG fredag 27. august at eg skal ha sagt at forsking i Oslo og Trondheim ikkje skal få ei krone av dei midlane staten nyttar på innovasjon.
Innsendaren Vestlending hevdar i VG fredag 27. august at eg skal ha sagt at forsking i Oslo og Trondheim ikkje skal få ei krone av dei midlane staten nyttar på innovasjon.
Dette er ikkje rett. Her trur eg det må vere ei samanblanding. Innovasjon Noreg (IN) får midlar både frå Nærings- og handelsdepartementet, Landbruks- og matdepartementet, Fiskeri- og kystdepartementet og Kommunal- og regionaldepartementet (KRD), der eg er statssekretær. Så har Kunnskapsdepartementet ansvar for pengar til forsking.
Det KRD er oppteken av, er at midlane frå departementet skal rettast inn mot distrikt og regionar, slik at desse får realisert sine mulegheiter for næringsutvikling. Evalueringa frå Econ Pöyry med fleire viser at våre verkemidlar har god innovasjonsgrad.
Utan gode vilkår for vekstkraft og entreprenørskap i heile landet, blir det for svak verdiskaping i framtida. Det står ikkje i motsetnad til at vi også skal ha tunge forskingsmiljø ved dei fremste universiteta våre, men altså finansiert av andre deler av statsbudsjettet enn KRD.