Oversikt over nye og endra statlege styringssignal retta mot kommunane bygd på vedtak i 2010
Historisk arkiv
Publisert under: Regjeringen Stoltenberg II
Utgiver: Kommunal- og regionaldepartementet
Artikkel | Sist oppdatert: 04.11.2013
Barne- og likestillingsdepartementet
Helse- og omsorgsdepartementet
Kommunal- og regionaldepartementet
Kunnskapsdepartementet
Landbruks- og matdepartementet
Miljøverndepartementet
Fiskeri- og kystdepartementet
Finansdepartementet
Justisdepartementet
Rundskriv om universell utforming
Barne-, likestillings- og inkluderingsdepartementet har utarbeidd eit rundskriv som klargjer korleis plikta til universell utforming i diskriminerings- og tilgjengelegheits-
lova er å forstå (rundskriv Q-29/2010).
Plikta er gjeven i diskriminerings- og tilgjengelegheitslovens § 9 og rettar seg mellom anna mot publikumsretta verksemder som forretningar, restaurantar, kinoar og offentlege kontor. Slike verksemder skal sikre at lokaler og areal som er meint for publikum er universelt utforma. Rundskrivet gjev eksempel på kva plikta inneber, kva som kan krevjast av verksemdene, korleis dei kan arbeide aktivt og målretta, og korleis saksgangen i ein klagesak etter diskriminerings- og tilgjengelegheitsloven kan vere.
Barne- og likestillingsdepartementet |
|
|
|
Rundskriv om universell utforming Plikta er gjeven i diskriminerings- og tilgjengelegheitslovens § 9 og rettar seg mellom anna mot publikumsretta verksemder som forretningar, restaurantar, kinoar og offentlege kontor. Slike verksemder skal sikre at lokaler og areal som er meint for publikum er universelt utforma. Rundskrivet gjev eksempel på kva plikta inneber, kva som kan krevjast av verksemdene, korleis dei kan arbeide aktivt og målretta, og korleis saksgangen i ein klagesak etter diskriminerings- og tilgjengelegheitsloven kan vere. |
| Internkontroll i kommunalt krisesentertilbod Det følgjer av lov om kommunale krisesentertilbod § 8 at kommunen skal føre internkontroll for å sikre at verksemdene og tenestene som er omfatta av krisesentertilbodet utfører oppgåvene sine i samsvar med krav fastsette i lov og forskrift. Kommunen må kunne gjere greie for korleis ein oppfyller denne plikta. Til hjelp i arbeidet er det utarbeida ein rettleiar for kommunane om internkontroll. |
| Satsing på kommunalt barnevern 2011 Stortinget har løyvd 240 mill. kroner til ei øyremerka styrking av barnevernet i kommunane. Fylkesmannen vil dele ut midlane etter søknad frå kommunane. Nye stillingar skal ha hovudprioritet, men kommunar som har nok stillingar kan søke om midlar til enkelte andre tiltak som styrker barnevernet. Det er laga eit rundskriv til kommunane om satsinga. |
Helse- og omsorgsdepartementet |
Nasjonale mål og hovudprioriteringar i 2011 Meininga med rundskrivet er å gi kommunane, fylkesmannen, de regionale helseføretak og fylkeskommunane samla informasjon om nasjonale mål og hovudprioriteringar. |
| Ny forskrift om praktisk teneste for å få autorisasjon som fysioterapeut Med heimel i forskrifta § 19 har Helsedirektoratet utarbeidd nye retningsliner for turnustenesta. Siktemålet er å gi turnusstader i kommunar og helseføretak, turnusfysioterapeutar, turnusrettleiarar, fylkesmenn og studentar informasjon om krav til faglig innhald, administrering og valordning i turnustenesta. |
| Rettleiar forskrift individuell plan Rettleiaren erstattar ei eldre utgåve til same forskrift. Den gjeld kommunen og helseføretaka sitt tilbod til personar med behov for langvarige og koordinerte tenester. |
|
Rettleiar for helsetenestetilbodet til asylsøkarar, flyktningar og familiegjenforente |
| Frivilljug underlivsundersøking Nytt rundskriv om tilbod på landsbasis om samtale og frivillig underlivsundersøking til jenter/kvinner med bakgrunn frå land der kjønnslemlesting vert praktisert. |
Kommunal- og regionaldepartementet |
Startlån Låneramma til Husbanken for 2011 er sett til 15 mrd. kroner. Innanfor låneramma er startlån til unge og vanskelegstilte på bustadmarknaden prioritert. |
| Arbeidet mot bustadløyse Arbeidet mot bustadløyse har førsteprioritet innanfor Husbanken sitt bustadsosiale arbeid i 2011. Husbanken skal fortsetje sitt strategiske arbeid med bustadsosialt samarbeid med kommunane, og rette storparten av ressursane mot dei kommunane som har størst bustadsosiale utfordringar. Kommunal- og regionaldepartementet viser til lov om sosiale tenester i arbeids- og velferdsforvaltinga der det vert presisert at Fylkesmannen skal føre tilsyn med at kommunane oppfyller pliktene sine etter kapittel 4, medrekna § 27 mellombelse butilbod. |
| Prop. 115 L (2009-2010) Endringer i burettslagslova mv. Endringar som sett forbod mot å etablere såkalla låginnskotsburettslag vart sett i verk frå 1. januar 2011. Fellesgjelda i burettslag skal no ikkje vere på meir enn 75 pst. når eit nytt burettslag vert stifta. Samstundes skal kjøpar sikrast opplysningar om totalpris på bustaden. Det er óg innført forbod mot såkalla ”spekulasjonskjøp”, som mellom anna inneber at eigedomsselskap ikkje kan spekulere i å kjøpe og selje burettslagsbustader frå utbyggjar. Det er vidare sett ned eit forbod mot å etablere festeforhold på utbygde eigartomter. |
| Ny byggjesaksdel i plan- og bygningslova Ny byggjesaksdel i plan- og bygningslova og nye byggjeforskrifter vart sett i kraft 1. juli 2010. Nye reglar skjerpar krava til kvalitet på både bygg og byggjeprosess. Nye bygg skal til dømes ha meir klima- og miljøvenlege løysingar og vere tilpassa folk i alle aldrar og livssituasjonar. Nytt er også at ein kan få opp til 400 000 kroner i gebyr for å bryte byggjereglane. Vidare er det krav om ferdigattest for dei fleste tiltaka, og kommunen kan med den nye lova påleggje at feil og manglar rettast i fem år etter at ferdigattest er gjeven. Frå 1. juli 2011 skal det førast uavhengig kontroll på viktige og kritiske område og oppgåver i alle byggjesaker, til dømes våtrom, konstruksjonstryggleik, geoteknikk og branntryggleik. |
| Endra habilitetsreglar I Ot.prp. nr. 50 (2008–2009) gjorde KRD framlegg om endringar i forvaltningslova som skjerpar reglane om habilitet for styremedlemmer osb. i offentleg heileigde selskap. Endringane gjeld frå 1. november 2011 og går ut på å oppheve unntaket for offentleg heileigde selskap i forvaltningslova. Dette ber med seg at offentlege tenestemenn og folkevalde, som óg er leiar eller styremedlem eller liknande i eit offentleg heileigd selskap , automatisk vil bli ugilde ved handsaminga av ei sak i kommunen der selskapet er part. |
| Reviderte reglar om opne møte Stortinget vedtok 14. desember 2010 endringar i reglane om møteoffentlegheit i kommuneloven, jamfør Prop. 152 L (2009–2010). Lovendringane trer i kraft 1. juli 2011. Reglane om møteoffentlegheit har fått ei ny utforming som skal gjere det tydelegare når eit folkevald organ har grunnlag for å lukke møte for offentlegheita. Dei nye reglane om møteoffentlegheit er meir presise og enklare å bruke, og målet med lovendringane er at siktemålet med reglane om møteoffentlegheit skal bli betre ivaretatt i kommunane. Vidare vil auka openheit vere konsekvensen av at det ikkje lenger skal vere muleg å lukke møte når formannsskapet handsamar og gjer innstilling til årsbudsjettet. |
Landbruks- og matdepartementet |
Endringar i stikkprøvekontrollen Tidlegare har ein gjennom Statens landbruksforvaltning maskinelt trekt ut 5 pst. av søkjarmassen til stikkprøve-kontroll. Kommunane skal frå søknadsomgangen januar 2011 plukke ut 2,5 pst. av søkjarmassen i eiga kommune til stikkprøvekontroll. Gjennomføringa av stikkprøvekontrollen utførast som før av kommunen. |
Miljøverndepartementet |
Ny geodatalov Lov av 3. september 2010 nr. 56 om infrastruktur for geografisk informasjon (geodataloven) skal medverke til god og effektiv tilgang til offentleg geografisk informasjon (geodata) for offentlege og private føremål. Lova er óg iverksetting av direktiv 2007/2/EF av 14. mars 2007 om etablering av ein infrastruktur for geografisk informasjon i Det europeiske fellesskapet (INSPIRE) i norsk rett. Betre tilgang til geodata er ein føresetnad for god miljøpolitikk og god miljøforvaltning. Geodata som har verknad for miljøpolitikken, skal kunne settast saman og delast på tvers av administrative og organisatoriske grenser. Lova pålegg offentlege statlege og kommunale myndigheiter å dele geodata, og å samarbeide om den geografiske infrastrukturen. Myndigheitene skal opprette og drive eit nettverk av elektroniske tenester for mellom anna søking, syning og nedlasting av geodata. Tenestene skal være tilgjengeleg for ålmenta. Den praktiske oppfølging av tiltak som følgjer av lova vil skje gjennom det etablerte Noreg digitalt samarbeidet. |
|
Oppgåver etter naturmangfaldlova Departementet arbeider og med forskrifter om prioriterte arter og utvalte naturtypar. Kommunane vil ha ei sentral rolle i forvaltninga av dei utvalte naturtypane, og det vil bli utarbeida ein eigen rettleiar for dette arbeidet. Denne vil óg bli lagt ut på lenka over. |
| Vassforvaltning 11. juni 2010 godkjende Kongen i statsråd dei første regionale vassforvaltningsplanane i Noreg. Planen skal leggjast til grunn for regionale organ sin verksemd og for kommunal og statlig planlegging og verksemd i vassregionen, jf. vassforskrifta § 29 i plan- og bygningslova § 8-2. |
Fiskeri- og kystdepartementet |
Forskrift om samordning og tidsfristar i handsaminga av akvakultursøknadar Ikraftsetjing av Forskrift 18. mai 2010 nr. 708 om samordning og tidsfrister i behandlingen av akvakultursøknader. |
Justisdepartementet |
Ny sivilbeskyttelseslov Lov 25. juni 2010 nr. 45 om kommunal beredskapsplikt, sivile beskyttelsestiltak og Sivilforsvaret (sivilbeskyttelsesloven) blei sett i kraft 1. januar 2011. Lova fører vidare avgjersla om kommunal vernebuingsplikt, sett i kraft 1. januar 2010. I tillegg fører lova vidare kommunen sine plikter som også var regulert i sivilforsvarslova av 1953. Pliktene til kommunen etter lova er summert i § 12 til lova - Kommunens plikter. Dette gjeld avgjersle om kommunen si hjelp til gjennomføring av Sivilforsvarets oppgåver og tiltak, som eksempelvis å stille rom og kommunal grunn til rådvelde ved utdannings- og øvingsformål for Sivilforsvaret, ivareta oppgåver i samband med lagring og vedlikehald av Sivilforsvarets materiell, byggje, utstyre, innreie og vedlikehalde offentlege tilfluktsrom samt planlegging og støtte ved gjennomføring av evakuering. |
| Ekstraordinære val av medlemmer til lekdommerutvala Etter lovendringar 25. juni 2010 nr. 47 bestemmer domstollova § 66a at kommunane, på bestilling frå domstolleiarane, skal foreta ekstraordinære val av medlemmer til lekdommarutvala undervegs i ein valperiode. Endringane vil få verknad for nokre kommunar, men er berre meint å bli brukt unntaksvis der domstolane får eit uventa behov for fleire lekdommarar i løpet av ein valperiode. Vidare er tidspunkta for dei ordinære vala flytta, slik at domstolane og utvalsmedlemmene blir gitt tid til å innrette seg etter vala, sjå domstollova §§ 64, 65, 66 og 69. For å sikre ein smidigare prosess ved valet av skjønnsmedlemmer i fylkeskommunane, er dessutan fristreglane i skjønnsprosesslova lausrivne frå reglane om val av lekdommarar, sjå skjønnsprosesslova § 14. |
|
Ny verjemålslov Lova skal gjelde frå det tidspunkt Kongen fastset. Iverksettingstidspunktet vil avhenge av naudsynte løyvingar i statsbudsjettet. Kommunane må vere førebudd på ei prolongering av dei kommunale overformynderia også inn i neste valperiode frå 1. januar 2012. Justisdepartementet har frå 1. januar 2011 starta eit prosjekt som vil planlegge overføringa frå kommune til stat. Fylkesmennene vil ha ansvaret for dialogen med kommunane når det gjeld oppfølging av denne saka. |
Oversikt over bilaterale
|
|||||
Avtaler om velferdstjenester (kvalitet/tjenesteutvikling) |
Parter |
Inngått |
Utløper/status |
Første avtale inngått |
|
| 1 | Avtale om utvikling av barnevernsområdet | BLD og KS | 19.08.2008 | Reforhandling pågår | 2005 |
| 2 | Avtale om kvalitetsutvikling i helse- og omsorgstjenestene | HOD og KS | 21.09.2006 | Midlertidig forlenget i 2011 | 2003 |
| 3 | Samarbeidsavtale om boligsoialt arbeid | KRD samordn. (AD, HOD, BLD, JD) og KS | 24.09.2007 | Reforhandling pågår | 2005 |
| 4 | Avtale om flyktninger i kommunene | JD, BLD og KS | 15.05.2007 | Midlertidig forlenget i 2011 | 2004 |
| 5 | Nasjonal rammeavtale om samhandling på helse- og omsorgsområdet | HOD og KS | 21.06.2007 | Midlertidig forlenget i 2011 | |
| 6 | Samarbeidsavtale om styrket samarbeid NAV og utdanningsmyndighetene i k/fk** | AD og KS | 02.05.2007 | Midlertidig forlenget i 2011 | |
Avtaler om samfunnsutvikling |
|||||
| 7 | Samarbeidsavtale om landbruks- og næringsutvikling i kommunesektoren | LMD og KS | 01.01.2010 | 31.12.2012 | 2006 |
**kommunen/fylkeskommunen