163 millionar kroner til nasjonale kulturbygg

Kulturdepartementet har gjort framlegg om 163 millionar kroner i tilskot til nasjonale kulturbygg. Dette er ein auke på 5,1 millionar kroner eller om lag 3,2 prosent frå løyvinga i 2010.

Løyvingsframlegget gjeld følgjande prosjekt:

• Senter for nordlige folk (tidligare Ája Samisk Senter):  5 millionar kroner.
  Vil bli opna for publikum sommaren 2011.
• Kilden Teater- og konserthus for Sørlandet: 64 millionar kroner.
  Skal etter planen vere ferdig i løpet av 2011.
• Nytt konserthus i Stavanger: 39 millionar kroner.
  Vil stå ferdig våren 2012.
• Science Center Østfold: 18 millionar kroner.
  Skal etter planen vere ferdig i mai 2011.
• Kulturkvartalet i Bodø: 25 millionar kroner.
  Byggestart er planlagd til april 2011.
• Aust-Agder kulturhistoriske senter: 10 millionar kroner.
  Bygginga kan starte i september 2011.
• Regjeringa har også foreslått 2 millionar kroner til prosjektering av nytt bygg for Norsk Bergverksmuseum.