Skog: Kontaktkonferanse på Sørvestlandet

Skog: I år er det Vest-Agder, Hordaland og Rogaland som møtest til kontaktkonferanse med skogforskinga. Det skjer 2. – 3. 10. i Sandnes. Kontaktkonferansen mellom forsking, næring og forvaltning er ei årleg hending som har tradisjon for å gå på rundgang i landet.

Verdiskaping i kystskogbruket
Programmet blir allsidig med innlegg både frå forsking og næring, og med tema som spenner frå skogskjøtsel og juletre til avsetning for vestlandsvirke. Verdiskaping i kystskogbruket og tiltak for auka avverking blir eit av programinnslaga. Vi vil også få ei oversikt over ressurstilgangen av skogsvirke i dei tre fylka. Andre spørsmål som vil bli tatt opp: Er Sørvestlandet interessant som innkjøpsområde for Norske Skog i framtida? Framande treslag – ein trussel eller grunnlag for verdiskaping?

Konferansen arrangerast som eit samarbeid mellom Norsk institutt for skog og landskap, Landbruks- og matdepartementet og fylkesmennene i Vest-Agder, Hordaland og Rogaland.

Påmelding innan 1. 09. 2006 til www.fylkesmannen.no/rogaland

Skog: I år møtest Vest-Agder, Hordaland og Rogaland til den årlege kontaktkonferanse med skogforskinga.