Landbruk: Ryfylkevegen nasjonal turistveg

Landbruk: Ryfylkevegen skal bli Nasjonal turistveg i 2011. Landskapet og naturen, butilbod og opplevingar, lokal mat og mattradisjon skal gjere Ryfylkevegen til Nasjonal turistveg.

Landbruks- og matdepartementet presenterar i sommar ei miniserie med eksemplar frå ”Kommunar som kan” og som satsar på næringsutvikling med landbruket som basis.

• Meir om Ryfylkevegen Nasjonal turistveg 

Partnarskap
Fylkesmannens landbruksavdeling tok hausten 2006 initiativ til eit partnarskap med kommunane langs Ryfylkevegen og Fylkeskommunen om å skipe eit utviklingsprogram for områda langs den framtidige turistvegen.

Næringsprosjekt Nasjonal turistveg Ryfylke er no etablert med styringsgruppe og eigen tilsett prosjektkoordinator. Dei fem ordførarane er med i styringsgruppa. I samarbeid med Turistvegsastinga i Statens Vegvesen vil styringsgruppa arbeide ut prosjektplan og sette i verk delprosjekt innafor område som kulturlandskapstiltak, reiseliv, krattrydding langs vegen, lokal mat osb.

I mars 2007 ble det vedtatt ein partnarskapsavtale mellom kommunane langs Ryfylkevegen, Fylkesmannen i Rogaland, Landbrukavdelinga og Rogaland fylkeskommune

• Les avtale (pdf)

Eit tett samarbeid mellom partnarskapet, Statens Vegvesen og Reisemål Ryfylke AS skal forsterke prosjektet.

Landbruk: Landbruks- og matdepartementet presenterer i sommar ei rekke kommunar som satsar på landbruket som eit ledd i samfunnsutviklinga. Landbruket er ein ressurs for arbeid og busetjing og kommunane har ei viktig rolle i å utvikle ein lokal landbrukspolitikk innanfor ramma av den nasjonale landbrukspolitikken, samt å sjå landbruket som ein integrert del av samfunns- og næringsutviklinga i kommunen.