Næringsutvikling: Sider frå Hardanger vil ha lovvern

Næringsutvikling: Hardanger Siderprodusentlag har no søkt om Beskytta opphavsnemning på Sider frå Hardanger. Bak søknaden står dei om lag 40 medlemmer i Hardanger Siderprodusentlag.

• Heile saka hos Matmerk

Eple dyrka i Hardanger
I følgje søknaden skal Sider frå Hardanger være produsert i Hardanger av eple dyrka i Hardanger. Sider frå Hardanger har tradisjonelt vært laga av upasteurisert eplejuice (råsaft) tilsett sukker som gjærar på villgjær frå epleskalet. Eplesmaken og aromaen varierar med dei eplesortane som blir bruka. Sideren skal være tilnærma klår og ha ein farge som kan variera frå heilt lysgul til gyllengul.

Bak søknaden om vern av Sider frå Hardanger står Hardanger Siderprodusentlag.

Matmerk vil saman med Mattilsynet stå for den vidare handsaminga av søknaden.

Garanti
Det er den offentlege norske merkeordninga Beskytta nemningar som opnar for lovheimla vern av namn på norske matprodukt med klart geografisk opphav, særpreg og tradisjon. I tillegg til å verne produkta mot ulovlege etterlikningar og namnemisbruk, skal merkeordninga òg garantere forbrukarane at dei finn matprodukt med det geografiske opphavet dei gir seg ut for å ha. Den norske ordninga er oppretta etter mønster frå EU, og blir forvalta av Mattilsynet i samarbeid med Matmerk.

Næringsutvikling: Hardanger Siderprodusentlag har no søkt om Beskytta opphavsnemning på Sider frå Hardanger.