Skogbruk: 2 300 årsverk i skogbruket

Skogbruk: Totalt blei det lagt ned 4,2 millionar timar, eller 2.300 årsverk, i skogbruket i 2007. I alt 85 prosent av tømmeret som blei hogd, kom frå sluttavverking, og over 90 prosent av avverkinga blei felt og kvista med hogstmaskin, syner nye tal frå Statistisk sentralbyrå (SSB).

• Sjå heile saka og fleire tal hjå SSB

Totalt blei det lagt ned 4,2 millionar timar, eller 2.300 årsverk. Då er ikkje arbeid utført av entreprenør eller andre sjølvstendig næringsdrivande som var leigd inn, rekna med. Skogeigarane sto sjølve for 64 prosent av arbeidsinnsatsen til praktisk skogsarbeid og administrasjon av skogbruket i 2007. Arbeidsinnsatsen til ektefelle/sambuar svara til 8 prosent, medan ulønt og lønt arbeidshjelp sto for 28 prosent.

Økonomisk drivverdig Skogeigarane meinte at 73 prosent av det produktive skogarealet i Noreg var økonomisk drivverdig i 2007. Delen økonomisk drivverdig skog er høgast i skogfylka på Austlandet, med ein del mellom 80 og 90 prosent. Skogeigarane på dei små eigedomane meinte at det økonomisk drivverdige arealet var 60 prosent, medan skogeigarar med minst 5.000 dekar produktivt skogareal meinte at 78 prosent av skogen var økonomisk drivverdig. Skogbruk: I alt 85 prosent av tømmeret som blei hogd i 2007, kom frå sluttavverking, og over 90 prosent av avverkinga blei felt og kvista med hogstmaskin, syner nye tal frå Statistisk sentralbyrå.

Skogbruk: 90 prosent av avverkinga i 2007 blei felt og kvista med hogstmaskin. Foto: John Hauger