Økologisk: Satser på mjølkeproduksjon

Økologisk: Møre og Romsdal satser innan økologisk mjølkeproduksjon for å ha høve til å nå det nasjonale målet om 15 prosent økologisk produksjon i fylket.

• Les heile saka i siste utgåve av Fylkesnytt

I dag er 4,3 prosent av landbruksarealet i Møre og Romsdal økologisk drive. Størsteparten av jordbruksarealet i fylket er brukt til grovfôrbasert husdyrhald, med mjølk som den suverent største produksjonen. Regjeringa har som mål at 15 prosent av matproduksjonen og matforbruket i 2015 skal vera økologisk. Vidare seier regjeringsfråsegna at Noreg heng etter andre land når det gjeld å gjera økologiske varer tilgjengelege for forbrukarane, og at regjeringa vil styrkja dette området. Regjeringa ynskjer at det offentlege går føre som ansvarleg forbrukar og etterspør miljøvenlege varer og varer som er tilverka med høge etiske og sosiale standardar.

Melkespann på Renndølsetra. Foto: Eivind Ryste

Ved utgangen av 2007 var 4,7 prosent av det totale jordbruksarealet i Noreg i økologisk drift. Av dette var 3,9 var ferdig omlagt til økologisk drift og 0,8 prosent var under omlegging (karens).

Økologisk: Møre og Romsdal satser innan økologisk mjølkeproduksjon for å ha høve til å nå det nasjonale målet om 15 prosent økologisk produksjon i fylket.