Ny giv i sauehaldet i Vest-Agder

Dei siste ti åra har sauenæringa i Vest-Agder vore i tilbakegang. Målet med prosjektet "Ny giv i sauehaldet i Vest-Agder 2012-14" er å betre lønsemnda, auke produksjonen og kvaliteten i sauehaldet og redusere tap på utmarksbeite.

• Les heile saka hjå Fylkesmannen i Vest-Agder 

Sauenæringa er viktig både for matproduksjonen, sysselsettinga og kulturlandskapet i mange av kommunane i Vest-Agder. Vidare er sauenæringa viktig for å utnytte dei store utmarksressursane i fylket. I perioden 2000-2010 har dessverre sauenæringa i fylket vore i kontinuerlig tilbakegang både med omsyn til tal vinterfora sauer og tal brukarar som driv med sau. Denne utviklinga vil Fylkesmannen prøve å snu gjennom prosjektet. Å redusere tap av sau og lam på utmarksbeite er eit anna fokus for prosjektet. Ulike tapsårsaker, færre dyr på utmarksbeite og færre til å føre tilsyn med desse gir spesielle utfordringar for beitebruken.