Sjå til at kjæledyra har det bra i ferien!
Historisk arkiv
Publisert under: Regjeringen Stoltenberg II
Utgjevar: Landbruks- og matdepartementet
Nyheit | Dato: 02.07.2012
Kjæledyra skal ha det godt – også i ferien, minner landbruks- og matminister Trygve Slagsvold Vedum om. - Gløym ikkje den viktigaste førebuinga til ferien: syt for at kjæledyra vert tekne hand om på ein god måte, seier Vedum.
Kjæledyra skal ha det godt – også i ferien, minner landbruks- og matminister Trygve Slagsvold Vedum om. - Gløym ikkje den viktigaste førebuinga til ferien: syt for at kjæledyra vert tekne hand om på ein god måte, seier Vedum.
Kvart år kvitter folk seg med kjæledyr på ein uforsvarleg måte når ferien står for døra. Dyra vert overlatne til seg sjølve, i hjelpelaus tilstand eller dumpa på ulike måtar.
Vedum ber alle som har omsorg for hund, katt eller andre kjæledyr, å sjå til at dei får godt stell, når familien reiser bort i ferien.
- Eg vil minne om det ansvaret dyreeigar har for at dyra heile tida har mat og stell og ikkje vert utsette for lidingar, seier Vedum.
I lova om velferd for dyr står det at barn under 16 år ikkje kan ha sjølvstendig ansvar for dyr. Vert barn bede om å sjå til dyr i ferien, må difor foreldra ta det overordna ansvaret.
Den som ikkje rår med å ta ansvar for dyra, må sørgje for at dei vert omplasserte eller tekne med til veterinær for å bli avliva på ein forsvarleg måte.
Eg vil òg minne om kor viktig det er at kjæledyra våre vert merkte. Eg støtter den kampanjen som Den norske veterinærforening og andre har initiert i år for merking av katter, seier Vedum.
![Katt](/globalassets/imgpreviews/00/00/02/66/26671_img___201207021410.jpg)
Gløym ikkje den viktigaste førebuinga til ferien: syt for at kjæledyra vert tekne hand om på ein god måte. (Foto: Colourbox)