Norsk-russisk kommisjon
Historisk arkiv
Publisert under: Regjeringen Stoltenberg II
Utgiver: Nærings- og handelsdepartementet
Nyhet | Dato: 18.05.2007
Tysdag 22. mai er nærings- og handelsminister Dag Terje Andersen vert for den norsk-russiske regjeringskommisjonen for økonomisk, industrielt og teknisk-vitskapleg samarbeid. Kommunikasjonsminister Leonid Reiman deltar frå russisk side.
Det økonomiske samarbeidet mellom Noreg og Russland omfattar stadig fleire sektorar. Første kvartal 2007 var norsk eksport til Russland over 40 prosent høgare enn i same periode i fjor. I 2006 var samhandelen på meir enn 15 milliardar kroner.
Kommisjonen er det viktigaste bilaterale forum for økonomisk samarbeid mellom Noreg og Russland. På møtet vert det diskutert ei rekkje saker som rører ved det økonomiske samarbeidet med Russland, blant anna fiskeri, transport og energi.
Dei to statsrådane møter pressa kl. 12.45 i Lille Festsal på Hotel Bristol i Oslo. Dei skal då signera møteprotokollen og er deretter tilgjengelege for kommentarar. Det er også fotomoglegheiter ved starten av møtet, i Maudsalen kl. 09.00. Oppmøte 08.55.
Kontakt: Informasjonsrådgjevar Arvid Samland, tel. 93 05 14 58.