Design og innovasjon

– God design er svært viktig for norsk næringsliv og industri. Bruk av designkompetanse bidrar til å betra bedriftenes konkurransekraft, seier nærings- og handelsminister Dag Terje Andersen. Onsdag deltek han på Norsk Designråds næringslivsdag.

For at så mange bedrifter som mogleg skal ta i bruk design, samarbeider Norsk Designråd og Innovasjon Norge om å tilby designrådgjeving i heile landet. Designrådet har høg fagkompetanse på design, medan Innovasjon Norge-nettverket bidrar til å formidla kompetansen ut til bedriftene.

Næringslivsdagen er Norsk Designråds fagdag for norske næringslivsleiarar. Sentrale spørsmål er: kva verkemiddel kan bedrifter ta i bruk for å bidra til nyskaping, auka konkurransekraft og auka lønsemd?

Dag Terje Andersen deltek på næringslivsdagen onsdag 10. oktober.

Les meir på nettsidene til Norsk Designråd.

Stad: DogA, Hausmannsgate 16, Oslo

Tid: Onsdag 10. oktober kl. 09.00.