Enklare å registrera selskap elektronisk

Næringsdrivande kan sjå fram til ein enklare kvardag etter at Brønnøysundregistra lanserte elektronisk utgåve av Samordna registermelding i Altinn. Den nye løysinga vil gjera nyregistreringar og endringar enklare for brukarane, dei vil spara tid i postgang og få raskare saksbehandling.

Brønnøysundregistra har no nådd eit vendepunkt i gjennomføringa av elektronisk forvaltning. Ved hjelp av elektronisk registrering kan næringsdrivande no gjera både registrering og endring av opplysningar heilelektronisk via Altinn. Når skjemaet er ferdig utfylt og kontrollert, vert det signert digitalt før det vert sendt inn til Einings- og Føretaksregisteret.

- Altinn er ein spydspiss i regjeringa sitt arbeid med forenkling for næringslivet, og innføringa av elektronisk registrering er difor svært viktig. Innføring av elektroniske tenester er truleg det som i størst grad kan føra til ein enklare kvardag for norske bedrifter, seier nærings- og handelsminister Dag Terje Andersen.

http://www.brreg.no/presse/pressemeldinger/2007/01/elreg_altinn_n.html



12. januar 2007