Møter reiselivet i Finnmark
Historisk arkiv
Publisert under: Regjeringen Stoltenberg II
Utgjevar: Nærings- og handelsdepartementet
Nyheit | Dato: 21.05.2007
– Regjeringa har auka satsinga på reiseliv frå 100 til 200 millionar kroner, og me arbeider no med ein nasjonal strategi for reiseliv, seier nærings- og handelsminister Dag Terje Andersen.
Reiseliv er blant dei raskast veksande næringane i verda, og målet er at norske reiselivsnæringar skal ta sin del av denne veksten. – Regjeringa har auka satsinga på reiseliv frå 100 til 200 millionar kroner, og me arbeider no med ein nasjonal strategi for reiseliv, seier nærings- og handelsminister Dag Terje Andersen. Denne veka møter regjeringa reiselivet i Finnmark.
- I strategien vil me blant anna fokusera på utfordringar og moglegheiter, og på korleis samarbeid mellom alle involverte aktørar kan bidra til utvikling og bærekraftig vekst i næringane, seier Andersen.
I arbeidet med strategien arrangerer regjeringa regionale og tematiske samlingar med reiselivsaktørar og offentelge styresmakter.
I løpet av april og mai er det samlingar med reiselivet i Bodø, på Værnes, i Bergen, i Arendal, på Lillehammer, i Alta og i Oslo. Politisk rådgjevar Annelene Svingen leiar møtet i Alta 22. mai, der målet er å ha nær og tett dialog med regionale aktørar.
Tysdag 22. mai: Høgskolen i Finnmark, Alta, 12.30-15.30.
Kontakt:
Politisk rådgjevar Annelene Svingen, tel. 95 76 07 37
Informasjonsrådgjevar Arvid Samland, tel. 93 05 14 58