Pressemelding

Nr.: 64/06
Dato: 18. september 2006
Kontaktperson: Informasjonsrådgjevar Arvid Samland, tel. 93 05 14 58

Avtale med Kina for fremje av investeringar

Det skal bli enklare for norske bedrifter å investera i Kina. Måndag 18. september underteiknar Noreg og Kina ein avtale om å oppretta ei arbeidsgruppe som skal fremja investeringar mellom dei to landa. Gruppa vil vera viktig for norsk næringsliv med aktivitetar i Kina og norske bedrifter som ønskjer å gå inn i den kinesiske marknaden.

Avtalen vert underteikna av Nærings- og handelsdepartementet og det kinesiske handelsdepartementet. Underteikninga skjer i samband med den kinesiske handelsministeren Bo Xilais besøk i Noreg.

Pressa er velkomen til å delta på seremonien. Det er fotomoglegheiter på staden.

Stad: Regjeringas representasjonsbolig i Parkveien 45.
Tid: Måndag 18. september kl 12.50. Oppmøte kl 12.40.

Sperrefrist: Måndag 18. september kl 12.50.