Pressemelding

Nr.: 30/06
Dato: 19.mai 2006
Kontaktperson: Informasjonsrådgjevar Arvid Samland, tel. 93 05 14 58

Priv. til red.:

Politiske samtalar med visepresidenten i EU-kommisjonen

Visepresidenten i EU-kommisjonen til Nord-Noreg med nærings- og handelsminster Odd Eriksen

Statsråd Odd Eriksen har invitert Europakommisjonens visepresident Günter Verheugen til Noreg. Verheugen har ansvaret for EUs nærings- og industripolitikk, og dei to skal drøfta aktuelle saker om bord på Hurtigruta. Pressa er velkomen til å delta når dei to besøkjer Snøhvit-anlegget på Melkøya måndag 22. mai.

– Det er viktig for Noreg å knyta god kontakt med Kommisjonen og drøfta aktuelle næringspolitiske spørsmål med EU, seier nærings- og handelsminister Odd Eriksen.

Nærings- og energipolitiske moglegheiter og utfordringar i nordområda vil bli eit sentralt tema i samtalane med EU-kommissæren. Verheugen har hovudansvaret for å skapa vekst og arbeidsplassar i Europa, gjennom den såkalla Lisboa-strategien.

Satsing på forsking og innovasjon, forenkling av regelverk og tiltak for å få til ein velfungerande indre marknad er andre stikkord for samtalane mellom Verheugen og Eriksen.

Günter Verheugen og Odd Eriksen kjem til Hammerfest med Hurtigruta måndag 22. mai kl. 11.15. Det blir deretter transport til Melkøya for deltakarar og presse.

Tysdag 23. mai kl. 11.00 deltar Verheugen på eit seminar om innovasjon på Handelshøyskolen BI i Oslo, saman med statssekretær Karin Yrvin. Kl. 13.00 same dag møter han student- og ungdomsbedrifter, i regi av Ungt Entreprenørskap. Møtet foregår i lokala til Nordea på Majorstuen. Statssekretær Frode Berge deltar også.