Pressemelding

Nr.: 07/07
Dato: 26. januar 2007
Kontaktperson: Informasjonsrådgjevar Arvid Samland, tel. 22 24 65 60

Romanias handelsminister besøkjer Noreg

Romanias handelsminster Iuliu Winkler besøkjer Noreg 29. og 30. januar. Nærings- og handelsminister Dag Terje Andersen er vert for besøket, og dei to møtest til politiske samtalar i Nærings- og handelsdepartementet måndag 29. januar kl. 09.00. Det er fotomogelegheiter ved oppstarten av møtet.

Samhandelen mellom Noreg og Romania har stige kraftig dei siste åra, og dei statsrådane skal diskutera dei nye moglegheitene for samhandel den utvida EØS-avtalen vil gi. Norske selskap er engasjert i Romania på fleire område, blant anna innanfor maritim sektor, energi og næringsmiddelindustri.

Møtet foregår på statsrådens kontor i R4. Det er fotomogelegheiter ved oppstarten av møtet.

Winkler møter også olje- og energiminister Odd Roger Enoksen og statssekretær Liv Monica Stubholt i Utanriksdepartementet. Han skal dessutan besøkja Innovasjon Norge, Orkla Foods, Aker og Statkraft, i tillegg til at han deltar på eit FAFO-seminar om utvidinga av EU.