Satsing på forskingsmiljøet i Ny-Ålesund
Historisk arkiv
Publisert under: Regjeringen Stoltenberg II
Utgjevar: Nærings- og handelsdepartementet
Statsbudsjettet 2008
Pressemelding | Nr: 88/07 | Dato: 05.10.2007
Polare strøk er særleg viktige for klimaforsking. Difor løyver regjeringa 25 millionar kroner til Kings Bay AS, for å forsterke Ny-Ålesunds attraktivitet som forskingsmiljø. Føresetnaden er at 10 millionar skal nyttast til å gjennomføre Luftfartstilsynet sine nye krav til tryggleiken ved flyplassen i Ny-Ålesund.
Polare strøk er særleg viktige for klimaforsking. Difor løyver regjeringa 25 millionar kroner til Kings Bay AS, for å forsterke Ny-Ålesunds attraktivitet som forskingsmiljø. Føresetnaden er at 10 millionar skal nyttast til å gjennomføre Luftfartstilsynet sine nye krav til tryggleiken ved flyplassen i Ny-Ålesund.
– Kings Bay AS er eit viktig selskap for dei som driv forsking på Svalbard. Flyplassen spelar ei sentral rolle og gjer at Ny-Ålesund berre er nokre timars flytur frå fastlandet. No kan flysambandet oppretthaldast, seier nærings- og handelsminister Dag Terje Andersen.
Kings Bay AS eig grunnen og det meste av bygningane i Ny-Ålesund. Selskapet yt tenester til forsking og naturvitskapleg verksemd. Ny-Ålesund, med plassering langt mot nord og enkel tilkomst, har stor betydning for polar- og klimaforskinga.
Sjå også St.prp. nr. 1 frå Nærings- og handelsdepartementet kap. 953.