Olje- og energidepartementet har i samråd med Miljøverndepartementet gitt Noregs vassdrags- og energidirektorat (NVE) i oppdrag å lage forslag til retningsliner for utbygginga av småkraftverk.

-Dette arbeidet er ei oppfølging av Soria Moria-erklæringa. Retningslinene skal styrkje grunnlaget for ein heilskapleg vurdering av søknader om konsesjon for små vasskraftverk. Prosessen blir meir effektiv og forutsigbar, seier olje- og energiminister Odd Roger Enoksen.

Fylkeskommunane skal bruke retningslinene for utarbeiding av regionale planar for småkraftverk. NVE skal bruke retningslinene for vurderinga av konsesjonssøknader.

I soria Moria-erklæringa står det at regjeringa i større grad vil utnytte potensialet som ligg i bygging av små vasskraftverk. I erklæringa står det òg at fylkeskommunane, i samarbeid med fagetatar, skal utarbeide fylkesvise planar for bygging av småkraftverk. Planane skal sikre at naturmangfald, friluftsliv og store landskapsverdiar ikkje går tapt.

NVE skal lage forslaget til retningsliner i samarbeid med Direktoratet for naturforvaltning. Andre instansar og interesser skal trekkast inn i arbeidet på ein formålstenleg måte.

Forslaget til retningsliner skal være ferdig innan 15. august. Olje- og energidepartementet vil deretter sende forslaget på høyring.