Utdrag frå olje- og energiminister Terje Riis-Johansen sin kalender for veke 18

Statsministeren og statsrådane har normalt følgjande faste postar i sine vekeprogram: Regjeringskonferanse på statsministerens kontor måndag og torsdag kl 12.15, og  Statsrådets møte på Slottet fredag kl 11.00. Det kan bli endringar i programmet.


Måndag 3.mai
Olje- og energiminister Terje Riis-Johansen deler ut DnB Nor sin Innovasjonspris for 2010. Utdelinga finn stad på Klosterøya i Skien. Statsråden held også innlegg om mellom anna verdien av innovasjon for energibransjen.

DnB NOR sin Innovasjonspris har vært delt ut sidan 2003. Føremålet har vore å sette søkelys på verdien av næringsutvikling i Noreg. I 2010 vert det sendt inn 824 søknader, noko som er rekordhøgt tal. Denne utdelinga, med deltakarar frå Telemark, Buskerud og Vestfold, er ein av sju regionale finalar. Kåringa vert gjort av ein jury beståande av representantar frå næringsliv, arbeidsliv og politikk. Vinnaren mottek 200.000 kroner.

For meir informasjon om arrangementet, kontakt kommunikasjonsrådgjevar Jon Evang tlf. 93 40 13 82.


Tysdag 4.mai
Olje- og energiminister Terje Riis-Johansen har invitert til samråd i Stjørdal for å få innspel til arbeidet med ny stortingsmelding om petroleumsverksemda. Hovudtemaet for samrådet er forsking og teknologi.

Samrådet finn stad på rådhuset i Stjørdal frå klokka 13.45 til klokka 15.55 og er ope for pressa.

Tidligare på dagen vil olje- og energiministeren besøke Det norske oljeselskap, NTNU og SINTEF, og SINTEF sin storskala forskingsbase på Tiller og Aibel.

Eigen presseinvitasjon vert sendt ut.

Pressekontakt for statsråden er kommunikasjonsrådgjevar Håvard Hegna, tlf. 90 94 34 44.